اسالى عن العناية ببشرتك او شعرك او جسمك او استفسرى عن ماركة تجميل وانا اجاوبك!!!!

[cute_lilly]

هااااى يا بنات

الموضوع عبارة عن اى واحدة عندها مشكلة او عايزة تسال عن اى حاجة بخصوص العناية بالبشرة والشعر والجسم او تستفسر عن ماركات تجميل تسالنى وانا هجاوبها انشاء اللة

مستنية اسألتكم ويارب الموضوع يعجبكم

cute_lilly

[المرأة القطة]

مرسيه جدا لي لي على الموضوع

ربنا يكرمك زى مهتكرمينى

انا شعرى مموج شوية وللاسف اى حاجة مبفردهوش

حتى الاستشوار

وعاوزة اقولك انه وراثى هل مش ممكن يتعالج

هو مش وحش بس انا بحب اللى ناز علطول افضل

وكمان اى كريم استخدمه فى شعرى يعمل مفعول وبعد اسبوعين ولا كانى بحط كريم

وغير كده حمام الكريم

اول كام مرة عملته جاب نتيجة هايلة جدا

وبعد كده نفس الحكاية كانى مبستخدمش حاجة

معلشي الوءة هتعبك معايا بجد اسفة

هغلس شوية

[cute_lilly]

مرسيه جدا لي لي على الموضوع

ربنا يكرمك زى مهتكرمينى

انا شعرى مموج شوية وللاسف اى حاجة مبفردهوش

حتى الاستشوار

وعاوزة اقولك انه وراثى هل مش ممكن يتعالج

هو مش وحش بس انا بحب اللى ناز علطول افضل

وكمان اى كريم استخدمه فى شعرى يعمل مفعول وبعد اسبوعين ولا كانى بحط كريم

وغير كده حمام الكريم

اول كام مرة عملته جاب نتيجة هايلة جدا

وبعد كده نفس الحكاية كانى مبستخدمش حاجة

معلشي الوءة هتعبك معايا بجد اسفة

هغلس شوية
بصى يا قمر فى خلطة معروفة بتفرد الشعر المموج وحتى الخشن وهى
مقادير الخلطة:
سمسم + زيت ذرة + صبار طبيعي
الطريقة:
1 - يحمس السمسم لاغيت ما يبقى لونة بني ولما يبرد يطحن بالمطحنة الكهربائية.
2 - ينقع السمسم بزيت الذرة لمدة ساعتين.
3 - تفتح نبتة الصبار ونخرج المادة الهلامية اللي فيها (الجل او العصارة) وتخلط مع منقوع السمسم اللي هو الزيت اللي نقعنا فيه السمسم ناخذ منه كمية بسيطة ونحطهم بالخلاط.
4 - تدلك فروة الرأس بهالمزيج جيدا ويوزع الباقي على الشعر ويلبس كبوس نايلون وتترك 3 ساعات ثم يغسل الشعر.

وممكن تزدوى للخلطة دى زيت لوز+جوز هند+زيت سمسم

ودى تشطفى شعرك بماية دافية مش سخنة وتلفى علية بعد كدة فوطة فيها بخار للمية السخنة وتسيبها دقايق بسيطة يعنى دقيقتين كدة ودى علشان تفتح مسام شعرك ويتفاعل حلو مع الخلطة وبعد كدة حطى الخلطة وتلبسى كيس بلاستيك وسيبها اكتر مدة ليها 3 ساعات وانتى وراحتك

دى تعمليهاوتغسلى شعرك بعديها كويس وبعد كدة لو عايزة تفردى بسشوار افردى وبعد السيشوار هقوللك على حاجة بلاش اى كريم جربى حاجة اسمها السيرم ولة ماركات كتير زى سيرم كريستاس
[Link nur für registrierte Benutzer sichtbar]
وفى السيرم من كاريتية ب45ج وفى سيرم انا بستعملة اسمة زيرو فريز وفية منة كمان المجموعة فى منة كريم وبلسم وشامبو وحمام كريم هو امريكى بس حلو اوى والسيرم هتلاقية بصيدليات كبيرة زى العزبى كدة او محلات تجميل زى مزايا

دة تحطية بعد السيشوار بينعم ويقلقل تقصيف السيشوار ومعالج للشعر ومفهوش اى ضرر

وكمان يا ندى فى خلطة تانية
الخلطة هي:
( قشر الموز + مايونيز + زيت خروع + زيت الزيتون )
بس قشر الموز يكون كثير ومجفف جيدًا
بعد تجفيف قشر الموز يطحن إلى أن يصير زي الحناء وتحطي له المايونيز وزيت الخروع
وزيت الزيتون ويعجن زي الحناء ويترك لمدة 30 دقيقة. وبعدين حطيه فوق الشعر وفروة
الشعر ويغطى بكيس أو بطاقية بلاستك وبعدين يغسل الشعر وخلي شعرك يجف لوحده
وشوفي الفرق تنفع للشعر الباهت والمتقصف والجاف


جربيهم ولو ليكى اى سؤال تانى يا قمر تنورينى وانا اجاوبك وانشاء اللة تكون النتيجة حلوة يا قمر

[المرأة القطة]

الاء انتى متاكده

انا مش بحب استخدم الاستشوار ياريت لو نلغى الاستشوار

وانا هجرب على ضمانتك

ومرسيه جدا

وشكرا على تعبك جدا جدا

وياريت لو تخدمينى وتقوليلى وصفة بس اكيدة ياريت للنمش

[nody]

شكرا على الموضوع
وانا بشرتى دهنية مركبة والبذور السودا مجننيى مش عايزة تروح مع انى بعمل دائمامساكات بس مش بتروح
اعمل ايه

[cute_lilly]

شكرا على الموضوع
وانا بشرتى دهنية مركبة والبذور السودا مجننيى مش عايزة تروح مع انى بعمل دائمامساكات بس مش بتروح
اعمل ايه

بصى يا قمر فى طرق ممكن تعمليها بالبيت جيبتهالك كلها


. ضعي معجون أسنان على البثرة قبل النوم، يساعد المعجون على تخفيف الانتفاخ، لا تستعمل الجل.
2. اغسلي وجهك مرتان في اليوم بماء مالح دافئ، للتخلص من البشرة الدهنية والحفاظ على البشرة خالية من البثور.
3. ضعي أوراق الفراولة على حبوب الشباب لتخفيف الانتفاخ والاحمرار.
4. امزجي ليمونة مع القليل من ماء الورد، ضعي المزيج على الوجه
لمدة نصف ساعة. اغسلي الوجه بالماء الدافئ. يستمر البرنامج لمدة 15 يوم.
5. امسحي البشرة بقشرة الليمون الداخلية البيضاء قبل غسلها بالماء.
6. اغسلي الوجه بعصير النعناع الطازج كل ليلة للتخلص من البثور،
وحب الشباب، والاكزيما والجرب والكثير من مشاكل البشرة.
7. تناولي الكثير من الفواكه الطازجة والخضراوات.
8. لمشاكل البشرة المزمنة، اهرسي حصين من الثوم وامسحي بهما الوجه.
9. اطحني قشرة البرتقال مع بعض الماء وضعيها على وجهك. من أفضل العلاجات المنزلية.
10. نظفي الوجه بقطن مبلل بماء الورد.
11. امزجي ملعقة ليمون وملعقة قرفة مطحونة وضعيها على المنطقة المصابة.
12. استعملي عصير الصبار مرتان في اليوم، يساعد الصبار
على شفاء الجروح والندب التي يتركها حب الشباب.
13. ضعي الثلج على البثور الكبيرة المنتفخة وستزول مع الصباح.
14. تناولي مكملات الفيتامين ب 5 والخارصين لزيادة مقاومة الجلد وحب الشباب.
15. امزجي عصير النعناع مع مسحوق الكركم وضعيه على الوجه لمدة 30 دقيقة، سيصفي الوجه ويضفي بريقا عليه.
16. امزجي بعض الخل والملح في وعاء ثم، ضعي قليلاً منه على يديك وافركي المنطقة المصابة
أو بللي منشفة صغيرة في المحلول وضعيها على وجهك لمدة 15 دقيقة.
17. اهرسي الخيار واصنعي منه معجون، ضعيه على وجهك واتركيه لنصف ساعة. سيجدد البشرة وينقيها.
18. امزجي طحين الذرة مع بياض البيض ودعيه على وجهك
لمدة نصف ساعة. دلكي وجهك وسيصبح ناعماً جداً مع الانتظام بعمل هذا الماسك.
19. اخلطي بعض مسحوق جوزة الطيب مع الحليب وضعيه على المنطقة المصابة
وستختفي البثور كالسحر دون آثار.
20. امزجي 3 ملاعق من العسل مع ملعقة قرفة وضعيها على المنطقة
المصابة قبل النوم، اغسليها في الصباح، وستختفي البثور بعد أسبوعان تماماً

وفى غسول بقى اكتر من ممتاز هو نيتروجينا سعرة فى حدود 75 جنية تلاقية بصيدليات الكبيرة ومحلات التجميل الكبيرة دة للرؤس السودا وبينضف البشرة بطريقة رهيبة

ولو عايزة حاجة تانية اسالينى وانا اقولك ويا رب تكونى استفدى وميرسى لمرورك

[cute_lilly]

المرأة القطة;57889]الاء انتى متاكده

انا مش بحب استخدم الاستشوار ياريت لو نلغى الاستشوار

وانا هجرب على ضمانتك

ومرسيه جدا

وشكرا على تعبك جدا جدا

وياريت لو تخدمينى وتقوليلى وصفة بس اكيدة ياريت للنمش[/QUOTE]


ندى عايزة تلغى السيشوار اوك انا بقولك دة لو عايزة تفردية خالص لان طبعا الخلطة هتاخد وقت قصدى لو عايزة حاجة سريعة وجربى السيرم بجد حلو اوى ومغذى للشعر وداومى على حمامات الكريم والبلسم ومع السيرم وماركة زيرو فريز حلوة
-------------------
بالنسبة للنمش بصى يا قمر سببة في وراثى وممكن من اشعة الشمس فى الحالتين انصحك انك تستخدمى كريمات حماية من الشمس مثلا فى نوع حلو اسمة Roc دة هتلاقية سعرة 32جنية بس اجنبى وحلو كمان هيناسب بشرتك وخفيف على البشرة بس دة تحطية وتنزلى بعدى بربع ساعة يكون وشك شربة علشان يعمل مفعول واستخدمى كريمات تفتيح وفى طرق طبيعية كمان جيبتهاللك:

1_ انقعي ملعقة صغيرة من الفجل الحار المبشور في عصير ليمونيتين لمدة 48 ساعة في حجرة دافئة ثم عبئيه في زجاجة و ادهني به البقع يومياً باستخدام قطعة قطن .

· 2_ ضعي طبقة من عصير الليمون الطازج على النمش واتركيه حتى يجف ثم اغسلي وجهك بماء فاتر . كرري ذلك مساء كل يوم حتى يختفي النمش .

· 3_ اخلطي مقداراً من الأكسجين مع مقدارين من ماء الورد ، واستخدمي الخليط في دهن النمش واحذري أن يصل هذا المحلول إلى الشعر وإلا أصبح فاتحاً بسبب ماء الأكسجين و لازم تشيلية بعد دقايق بسيطة.

· 4_ امزجي ملعقة كبيرة من عصير الفجل مع ملعقة صغيرة من شرش اللبن وملعقة صغيرة من عصير الليمون الطازج . ضعي طبقة من الخليط على النمش ثم اشطفيها بعد أن تجف .

ندى لو جربتى الطرق الطبيعية ومجيبتش نتيجة يا يا قمر انتى محتاجة دكتور جلدية فى حاجة اسمها مسح كهربائى سطحى عبارة عن تجميل بيشيل النمش وبردو بقوللك تانى ابعدى عن الشمس واستعملى كريمات الشمس دايمادى اهم حاجة ولو عايزة استفسار تانى اسالى يا قمر وانا تحت امرك ويا رب اكون عرفت افيدك

[المرأة القطة]

مرسييييييييييييييييييييه يا لي لي

ربنا يكرمك دايما يارب

[cute_lilly]

شكرا يا قمر

[المرأة القطة]

معلشي لي لي

سؤال كمان

البقع الداكنة لو كانت حباية واتلعب فيها وسابت اثر

ايه العلاج

بس ياريت يكون طبيعى

وايه رايك فى كريم اولاي ؟؟؟

[nody]

شكرا جدا
وان شاء الله هجرب الوصافات واقولك على النتيجة بعدها
وشكرا جدا