صور للاهلويه ..ومحدش يزعل

[محمد ايمن]

[Link nur für registrierte Benutzer sichtbar]
[Link nur für registrierte Benutzer sichtbar]
[Link nur für registrierte Benutzer sichtbar]
[Link nur für registrierte Benutzer sichtbar]
[Link nur für registrierte Benutzer sichtbar]
[Link nur für registrierte Benutzer sichtbar]
[Link nur für registrierte Benutzer sichtbar]
[Link nur für registrierte Benutzer sichtbar]
[Link nur für registrierte Benutzer sichtbar]
[Link nur für registrierte Benutzer sichtbar]
[Link nur für registrierte Benutzer sichtbar]

[بلدو الجبار]

ههههههههههههههههههههههههههههههه
الله عليك يا محمد وعايزينك دايما تفرحنا بالصور الجامد ده

[jokar]

بجد انا كان نفسى اشوف فيهم يوم لانهم عمالين مبهدلنا تريقة علينا وشكرا ليك يامان

[محمد ايمن]

شكرا على ردكم وانا كنت خايف احتها الا الاهلويه يزعلوا بس بدل ما هما عملوا نكت بقى خلاص هما الى بدائوا

[المرأة القطة]

مرسيه ليك جدا يا محمد على الصور والصور حلوة بجد اوى

بس على كده انا هشوف صورى معاهم بكره

لان يوم نتجتى صوت فى وصت الجامعة وقعدت اطنطط انى نجحت

صح مش كده برده ؟؟؟؟

الفرحة تخلى اى حد يرقص ويغنى ولو راجل يقلع لانه لا حرام ولا عيب

بس بجد الصور عجبتنى اوى

وبجد مش زعلت منها الا انكم فاكرين ان الرقص ده اهانة

وزى مقولتلك قبل كده فى الافراح الناس كلها بترقص

وهما كده

بس انت جايب صورهم وهما بيضحكوا

ليه مجبتش صورة ابو تريكة وهو بيرفع التيشرت واللى تحته تيشرت للقدس

او وهو بيسجد من الفرحة

بجد الفرحة تخلى الواحد يعمل اى حاجة

وشكرا ليك جدا على مجهودك الجميل ده

ومنتظرين منك المزيد علطول بقى

[محمد ايمن]

شكرا ليكى يا مراه يا قطه ......بس راجل يرقص عيب مدرب محترم مفروض يبقى ليه هيباه يقلع عيب ....عايز اقلك ان اكيد ناس بالهبل بتفرح انا فرحت لما نجحت ارقص ولا عشان اتظلمت اقلع ابو تريكه على عينى وعلى راسى ...طبعا بس انا مش جى امجد فى الاهلى انا ممكن اجبلك ابو تريكه وهو بيمثل انوا اتكعبل ومحدش لمسوا واخد ضربة جزاء ظلم دا مش حرام اعتقد الى ياخد حاجه مش حقوا حرام انا كنت ممكن اجيب دا واجيب دا........ممكن اجيب حاجات كتيره على ابو تريكه بس انا مقدرش اتكلم عليه لانوا مهما عمل شخصيه محترمه ....بس على فكره فى واحد اسموا على خليل لاعب ف ىالزمالك جاب جون فى الاسماعيلى بس الشبكه كانت مقطوعه والكوره دخلت من بره والحكم حسبها والزمالك كان خسران واخر 3 دقايق راح جاب الكوره وقال للحكم الكوره مش جون ومتحسبتش والزمالك خسر لو بتتكلمى على الشخصيات المحترمه يعنى...فا عادى بس دا ردا على النكت الى اتقالت عل ىالزملكاويه ...مش عشان بمجد فى الاهلى واجيب صوره لتريكه وفى صور اوحش بس انا مردتش احطها عشان محدش يزعل بس وشكرا ليكى ...وعلى فكره انا عارف ان المنتدى هنا محترم والناس مش قصدها انها تهين الزمالك ...انا كنت ممكن ازعل جامد لان الى يشتم الزمالك اكنوا بيشتمنى وانا مش زعلان دلوقتى بس البادى اظلم ...وشكرا ليكى

[المرأة القطة]

طبعا انا مقولتش ان الزمالك مش محترم

لا انا عمرى مقولت كده

الزمالك شخصيات محترمة جدا

وكل مكان فيه الكويس والوحش

مثلا استاذ ابراهيم سعيد

بيجيب شبهه للنادى اللى بيبقى فيه

فعشان كده

انا بتكلم على موضوع ان حد يغلب يرقص

ومش هينفع اتكلم عن نفسي

هتكلم عن اى حد

هاتلى ام مبترقصش فرح ابنها او بنتها

مهى ام

يعنى ملهاش وقار ؟؟؟

هاتلى ست كبيرة مبترقصش ساعة فرح حفيدها

طيب هو الوقار راح فى شيء ؟؟؟

وانت محسسنى ان الحضري بيهز وسطه هههههههههههههههه

ده رقص فرح عادى

زى مزيدان عمل

وكلنا عملنا واتحدى اى حد اهلاوى شاف ماتش للاهلى ورقصش بعد النتيجة

بس يكون اهلاوى

والفرحة جميلة وكون انه يقلع هو ملقلعش هدومه يعنى

زى ملما فريقين يكونوا بيلعبوا اللى بيغلب منهم حبه بيقلعوا

وده اعتقد برده تعبير عن الفرحة

وكل واحد له تعبير عن الفرحة

وانا عمرى مقللت من شخصيات فريق الزمالك

لانى مقدرش احكم على شخصية واقول انها وحشة من غير متعامل معاها وانا متعملتش معاهم وعمر متقال عليهم حاجة وحشة

بس كده ههههههههههههههههه

صدعتك معايا معلشي

[محمد ايمن]

بالنسبه للاهلى والزمالك مش محترم ....انتوا قولتلوا نكت على الزملكاويه خالى بالك الزملكاويه مش لاعيبه الزمالك ....يعنى احنا بمعنى اصح ...
ثانيا الرقص مش عيب فى حالة الفرح بس معتقدش ان لما واحده ابنها بينجح بتنزل ترقص فى الشارع فى وسط الناس بترقص ثدام اهلها ولو متكسفتش ورقصت قدام الناس حاجه تانيه ...احنا بنتكلم على ست راجل بقى
انتى عارفه ايه الفرق بين الاهلويه والزملكاويه الاهلويه عمرهم ما هيقولوا دى غلط ليه لانهم وصلوا لمرحله تقديس لنجومهم .... اعتقد شفتى جوزيه لما ادرع واول امبارح لما قالع على الحكام المصريين مرتشين محدش قدر يكلموا بعيدا عن كل حاجه الى عايز يرقص يقلع والى عايز يقلع يقلع والى عايز يتدرع يتدرى بس انا اتكسف وانا اختى بتتفرج على واحد بيقلع ولا بيتدرع ....على فكره انا محبش حد يغلط فى حد وانا معلش زملكاوى متعصصب لابعد حد انا قرايبى فى التراس اهلاوى اكتر متعصبين كوره فى مصر محدش يقدر يتكلم على الزمالك قدامى فا عيب هل يا ترى انا مقدرش انزل نكت على الاهلى لو عايز كمان نص ساعه هنزل بس لازم يبقى فى احترام للتانى وخالى بالك انا مقولتش واحد اهلاوى انا جايب لاعيبه الاهلى ودى تفرق الجمهور حاجه والاعيبه حاجه تانيه ...ولا طبعا مفيش حاجه دى مناقشه بس فى اساسيات لو نسناها عشان حبنا لفرقه تبقى مصيبه انا مثلا لو مرتضى منصور مسك الزمالك ممكن مشجعش الزمالك لان اسلوب البلطجه دا غلط زى اسلوب الاعتراض الى مش محترم ...وشوفى عمل ايه اول امبارح القديس بتاعكم ...وانا اسف انى طولت عليكى بس دى حقيقه وياريت محدش يجرح فى حد حفظا عل ىمشاعر اصحابوا

[المرأة القطة]

طيب انت اتعصبت ليه بس

والله احنا بنتكلم عادى

ومفيش تعصب ولا حاجة

[محمد ايمن]

هههههههههههههه
لا والله ما زعلت منك عادى احنا بنتكلم .......بس صحيح انا دورت على صورتك الى بعد النتيجه وقعدتى تطنططى انك نجحتى وملقتهاش هى على موقع ايه عشان انزلها مع صور الاهلى مع انى مش فاهم اطنطط دى يعنى ايه ......انا مزعلتش انا بزعل لما حد يغلط فى الزمالك بس ولا يهمك انا متنرفزتش والله منك انا زعلان من النكت بس

[سلمى]

انا بشكرك على الصور الحلوة دى
فى ماتشات بتاعت الاهلى والزمالك لو تفتكر ان مرة خرج عبد الحليم على من الماتش ونزل مكانة لاعب تانى عمل اية لماخرج شاور بجزمتة لجمهور الاهلى هو دة احترام ومرتضى منصور بردوا فى ماتش الاهلى والزمالك قلع الجزمة وضرب واحد من جمهور الاهلى هو دة احترام انت حاسبت لعيبة ومدرب عشان قلعوا هدومهم ودة من فرحتهم بالفوز مابالك برئيس نادى المفروض انة يكون قدوة للاعيبة قلع الجزمة هتقول علية اية0000 ياريت اللى بيتة من ازاز ميحدفش الناس بالطوب00

[سلمى]

الراجل الكبير مرتضى منصور كان قاعد فى ماتش نهائى الكاس من فترة مابين الاهلى والزمالك طبعا فاكرة على المقصورة الرئيسية زية زى بيقيت الناس الكتيرة اشى مبعوث من رئاسة الجمهورية لتسليم الكاس000رئيس المجلس القومى للرياضة00رئيس اتحاد الكرة المصرية00اعضاء مجلس ادارة الاهلى00 المهم الراجل قاعد فى المقصورة لابية ولا علية تقوم جماهير الاهلى الفرحانة بفوز واداء فريقها بالهتاف لمرتضى وتقول(مرتضى ياحبيبنا00اياك تمشى وتسيبنا)فما كان من الرجل الاخلاق هههههههة الا ان رفع الجزمة واطلاق السباب يصاحبها مشادة كلامية مع اعضاء ادارة الاهلى لا واية كل دة واللواء اركان حرب بتاع الجيش مندوب الرئيس قاعد فى النص ومرتضى ولا هنا000يالهوى لواء ومبعوث الريس والجزمة000 منظر مش ولا بد وكانت نهايتة ان قرر المجلس القومى للرياضة ايقافة عن ممارسة جميع صلاحيات منصبة00ذلك الرجل الكبارة00عضو مجلس الشعب00من جلس على منصة القضاء يوما00رئيس نادى الزمالك00الذى اعاد الى اذهاننا ذكرى الجزمة وما اكثر الجزم فى هذة الايام000 هى دى الاخلاق اللى انتوا عايزينها فى الملاعب00000

[محمد سكاربو]

ههههههههههههه
لا انتى فهمتى غلط جمهور الاهلى كان بيقول كدة بمعنى تانى وكل الناس عارفاه اكيد فهمتيه

[سلمى]

اة نسيت وفى فضيحة كمان وسبحان الله فى نفس الماتش بعد انتهاء الماتش لعيبة الزمالك زكامل جهازهم الفنى رفضوا استلام الميدالية الفضية نصيبة من المركز التانى فقرر اتحاد الكورة عقابة بغرامة 250 الف لحلوح مع حرمانة من مباراة السوبر وقرر ان يلعب انبى بدلا منة امام الاهلى
وابقى سلملى على الاخلاق00000000000

[محمد ايمن]

اولا بشكرك يا سلمى ..تانيا مرتضى منصور ميتحسبش على الزمالك .,....ثالثا الى قلع الجزمه شيكابالا بس عشان جماهير الاهلى شتموا شتايم عنصريه عشان اسمر انا كنت فى الماتش دا ...لو مرتضى منصور مسك الزمالك انا ممكن مشجعش الزمالك لانوا راجل تعبان ننفسيا..... وهما مردوش يطلعوا دى فضيحه ههههههههههههههههههههههههههه لا طبعا هما حريين عايزه تشوفى الفظايح بتاعت الاهلى الى زور توقيع عيل ناشىء ولا العركه الى كانت بالمطاوى والسكاكين فى سباحه النادى الاهلى ولا الاعب المرتشى ولا الهارب ولا ايه مش عارف ...انا مش هرد معلش على اى تلعيق تانى عشان الجهاز عندى بايظ وهرجع كمان كام يوم

[سلمى]

لا انا بتكلم على عبد الحليم على فى ماتش بس من فترة طويلة شاور بالجزمة لجمهور الاهلى وعلى فكرة انا كنت من عشاق عبد الحليم ومن بعد اللى حصل وانا بجد بكرة جدا لانها مش اخلاق000 وبعديها الادارة خليتة يدفع غرامة غصب عنة قدم اعتذار للجمهور وانا فاكرة كويس اوى

[العندليب الاسمر]

بينى وبينك ياميدو بصراحه الموضوع جامد جدا جدا جدا

انا بشكرك اوى

بس مش على الموضوع

لا على حبك للنادى (الزمالك )

بس عاوز اقولك حاجه

الى اانت عامله ده انا واحد من جمهور نادى الزمالك وعندى اعتراض عليه

لانك ممكن تزعل مننا ناس كتير

انا شايف ان لعيبة نادى الاهلى لعيبه محترمه جدا مفيش داعى اننا نغلط فيها

مثلا الحضرى ده احد ابطال مصر فى البطوله الافريقيه ألى فاتت

وكذالك ابو تريكه والناس دى

فبلاش نغلط فى حد افضل يعنى

وشكرا ليك ياباشاااااااااااااااااااااا

[سلمى]

ههههههههههههه
لا انتى فهمتى غلط جمهور الاهلى كان بيقول كدة بمعنى تانى وكل الناس عارفاه اكيد فهمتيه

حتى لو ليها معنى تانى تفتكر دى اخلاق واحد محترم والله اعلم اذا كان محترم ولا لا حتى يراعى الناس اللى قاعد معاهم ولا اية رايك0000

[العندليب الاسمر]

تم اغلاق الموضوع حرصا على مشاعر الاخرون ( الاهلاويه يعنى رغم انى زملكاوى )