تعالوا نحفظ القران مع بعض [الأرشيف]

مشاهدة النسخة كاملة : تعالوا نحفظ القران مع بعض

رميصاء

05-Jul-2008, 12:13 PM

السلام عليكم ورحمة الله وبركاته
ازيكم يا شباب وبنات احلى منتدى يارب تكونوا بخير كلكوا وكل سنة وانتوا طيبين عشان بداية شهر رجب وده طبعا شهر كله خير وعبادات كتير وكلنا عارفين فضل الشهر الكريم ده

بالمناسبة دى انا فكرت فى فكرة حلوة اوى يارب تعجبكوا وهى اننا نكسب حسنات واحنا قاعدين مع بعض وتكون صحبتنا صحبة خير

ايه رأيكوا لو نتفق مع بعض على جزء معين من القرأن ونحفظه ونشجع بعض لان فى مننا ناس كتير بتبقى عاوزة تحفظ القرأن بس بتكسل او مش بتلاقى حد يشجعها

ويارب الفكرة تعجبكوا ومستنية ردكوا على الفكرة عشان نحدد مع بعض الجزء اللى حنحفظه ان شاء الله :217::217:

bossy_cat

05-Jul-2008, 04:35 PM

انا معاكى يا رميصاء
وايه رأيك لو نبدأ بسورة النبأ
لو عندك اقتراح تانى قوليلى عليه وانا معاكى
ويارب يكون فى ميزان حسناتنا ان شاء الله

رميصاء

05-Jul-2008, 05:31 PM

هو اكيد ان شاء الله حنبدأ بالنبا لان حفظ القران بيبدأ من الجزء التلاتين
بس نستنى شوية يمكن حد تانى يحب يشارك معانا فى الثواب العظيم ده
وشكرا ليكى يا بسبوستى على انك دايما مشجعانى

monaamer

06-Jul-2008, 02:49 AM

جزاكي الله خيرا يا رميصاء
أنا اكيد معاكم
موافقه نبتدى من الجزء الثلاثين
وربنا يقدرنا يارب ومنكسلش خالص
ويقدرنا ونكما حفظ القرىن كله يارب

elmohager

06-Jul-2008, 03:47 AM

والله جميل قووووووووى
انا كنت ناوى اعمل الموضوع ده من زمان والله
المهم انه موجود
طبعا انا معاكم
و طبعا من الجزء الثلاثين
و تتم تثبيت الموضوع
و لى عودة و قريب

k00ooOOky

06-Jul-2008, 04:02 AM

انا معاكى يا روميصاء وجزاكى الله كل خير

رميصاء

06-Jul-2008, 05:02 PM

رميصاء

06-Jul-2008, 05:29 PM

نسيت اشكرك على التثبيت
وقال رسول الله صلى الله عليه وسلم "من لا يشكر الناس لا يشكر الله"صدق رسول الله صلى الله عليه وسلم
شكرا جدا جدا

elmohager

07-Jul-2008, 06:17 AM

نسيت اشكرك على التثبيت
وقال رسول الله صلى الله عليه وسلم "من لا يشكر الناس لا يشكر الله"صدق رسول الله صلى الله عليه وسلم
شكرا جدا جدا

لا شكرااا على واجب
و عليه افضل الصلاة و التسليم سيدنا محمد

elmohager

07-Jul-2008, 06:26 AM

شكرا جدا يا منى
وشكرا ليك يا محمود على مرورك "يارب اكون قلت الاسم صح"
وشكرا ليكى كمان يا كوكى
معلش يا محمود بقى سبقت بس كويس انك فكرت فيها واكيد حتاخد ثواب كبير لمجرد تفكيرك فى الموضوع
وياللا يا شباب وبنات المنتدى شاركونا فى الثواب العظيم ده
طيب ايه رأيكوا بقى نبدأ بسورة النبأ
ويكون اخر ميعاد هو يوم الخميس بحيث نبدأ سورة النازعات يوم الجمعة ان شاء الله
وقواعد التجويد موجوده هنا فى المنتدى واللى محتاج اى حاجة فى التجويد انا تحت امركم
ولو حد معترض على الوقت او على اى حاجة ياريت يقول ونشارك كلنا بالرأى
وربنا يكرمنا كلنا ان شاء الله ويكون ده سبب دخولنا الجنه

اولا جزاكى الله الف خير
و جعله فى ميران حسناتك

و اه اسمى محمود صح

بس الاحسن يكون كل اسبوع مش كل يوم

علشان الناس اللى شغالة و الناس اللى بتدرس كده

انا بقول يا جماعة
نبتدي من اخر سور بالقران

هنزل مواضيع عن علم التجويد والترتيل
وهنزل موقع بيساعد على تعلم القران بصوت اكبر مقرئين القران باذن الله
وان شاء الله نبتدي بدايه صحيحه

و ايه رايكم ؟؟؟؟؟؟؟
.

والله الموافق

رميصاء

07-Jul-2008, 09:05 AM

ربنا يوفقك يا محمود

وانا موافقة جدا على اقتراحك

ايه يا جماعة انتو مش عارفين فضل حفظ القران ولا ايه ؟
شاركونا قبل منبدأ عشان نكون كلنا ماشين مع بعض ومنكسلش

monaamer

07-Jul-2008, 09:28 AM

طيب يعنى كدا هنحفظ كل يوم سورة صغيرة
وهنسمع إزاى كل نهاية اسبوع نسمع 6 سور
ولو فيه تسميع ياريت يبقى الجمعة مش الخميس
عشان انا مش بدخل نت الخميس
لو ينفع يعنى ...
وربنا يعيننا

رميصاء

07-Jul-2008, 09:54 AM

ولا تزعلى نفسك يا منمن احنا عندنا كام منى يعنى
ان شاء الله حنوصل لاقتراح يرضى كل الاطراف عشان فعلا زى ما محمود قال فى ناس بتشتغل وش هتلحق تحفظ سور كبيرة عشان كده هو اقترح اننا نحفظ سور قصيرة الاول

وبعدين مش شرط نحفظ كل يوم سورة ممكن نحفظ سورة او اتنين فى الاسبوع ويكونوا قصيرين

مش مهم هناخد وقت طويل المهم اننا نبدأ والاهم اننا نستمر
ومش عاوزين نستعجل عشان نحفظ صح

elmohager

07-Jul-2008, 10:26 AM

تمام قوووووووووى يا رميصاء

خلاص ان شاء الله انا ابعد رسائل خاصة للناس

و ابعد الرابط الى الناس اللى عندى على الايميل

والله الموافق

علشان لازم نكون عدد كبير

وانا قصدى سور صغيرة علشان نشجع الناس فى الاول و كده و بعدين ابد من الصغير الى الكبير

ما انا المفروض الناس تتتكون حفظت جزء عم

بس هو مراجعة

و لى عوده

monaamer

07-Jul-2008, 10:40 AM

شكرا للإستجابه يا رميصاء
وأنا موافقه على أى قدر نحفظة ان شاء الله
المفروض يعنى إحنا ف اجازة
وربنا يوفقنا يارب ونحفظ القرآ كله
مش مهم ف وقت قد ايه فعلا
المهم النيه والعزم على عدم ترك الحفظ مره تانية

رميصاء

08-Jul-2008, 09:19 AM

تمام يا محمود ربنا معاك وانا فهمت قصدك كده

وانتى كمان يا منى حاولى تقولى للناس اللى تعرفيها وانا هعمل نفس الحكاية

ويلا بقى اتجدعنو عشان عاوزين نبدأ

والله المستعان

nermo

10-Jul-2008, 01:20 PM

السلام عليكم
انا معاكو يا جماعه ويرية كلنا نبقا هنا مع بعض

رميصاء

10-Jul-2008, 07:54 PM

منورة معانا يا نيرمو

وان شاء الله يكون ده فى ميزان حسناتنا كلنا

ولو عندك اى اقتراح يعنى تحبى نبدأ بسورة معينه ؟
او تحبى التسميع يكون كل اد ايه ؟ وكدة يعنى
ياريت تقوليلنا

elmohager

11-Jul-2008, 09:00 AM

تمام قوووووى
بس كده يا جماعة لسه
ده احنا كده بس عددنا 6
منى
و
كوكى
و
رميصاء
و
نيرمو
و
bossy_cat
ياريت نكون اكتر من كده
وجزاكم الله الف خير
و لا انتى ايه رايك يا رميصاء
عاوزة العدد يكون كم علشان البداية
و لا ممكن نبدء6
و لا اقل عدد كم
؟

رميصاء

11-Jul-2008, 01:13 PM

اولا احب اشكرك جدا يا محمود على اهتمامك ومتابعتك للموضوع باستمرار وعلى المجهود اللى انت بتعمله

بص انا عندى استعداد ابدا حفظ حتى لو كن العدد واحد بس .

بس انا كل اللى مأخرنى ان ده ثواب كبير لكل واحد هيحفظ عشان كده انا مش عاوزة الثواب ده يفوت حد وبجد نفسى احس اننا كتله واحده بتتحرك مع بعض فى طاعة الله
يعنى كلنا نحفظ مع بعض وكلنا نسمع مع بعض وكلنا تتكتب لنا الحسنات مع بعض عشان ربنا يباهى بنا ملائكته

عشان كده كل مالعدد يزيد كل مهتبقى حاجة كويسة ان لو عليا عاوزة كل اعضاء المنتدى يشاركوا معانا وبحاول اجمع اكبر عدد وربنا معانا ان شاء الله

وحتى لو محدش تانى اشترك معانا كفاية اننا حاولنا وده اجره كبير جدا

ربنا معاك يا محمود وشكرا جدا بجد على مجهودك

Ahmed Fit

14-Jul-2008, 12:44 AM

ان شاء الله انا معاكم

وجزاكى الله كل خير

وربنا يوفق الجميع

@ NO LOVE @

14-Jul-2008, 04:09 AM

باذن الله معاكى يا رميصاء
وربنا معانا ومع كل الاعضاء انشاء الله

رميصاء

14-Jul-2008, 05:35 PM

شكرا يا احمد
وشكرا يا مدحت

ان شاء الله يكون الموضوع ده فى ميزان حسناتنا وربنا يتباهى بينا قدام ملائكته

elmohager

15-Jul-2008, 04:03 PM

الحمد الله فى ناس بتخش و تتشترك

يارب عطووووول كده متجمعين فى الجنة

سلمى

15-Jul-2008, 04:31 PM

ازيك يارميصاء ربنا يكرمك على الفكرة دى
وياريت تقبلونى معاكم بس ممكن اعرف انتم دلوقتى
فى سورة اية عشان ابتدى معاكم

رميصاء

16-Jul-2008, 03:55 PM

الحمد لله يا محمود فى ناس كتير معانا
وكمان معانا البلدوزر هو قال قبل كده انه معانا
ويارب العدد يزيد كمان وكمان

شكرا سلمتى على مرورك
وطبعا ممكن جدا تكونى معانا دى حاجة تشرفنا

واطمنى انتى مفيش حاجة فاتتك لاننا لسة مبدأناش حفظ
لاننا مستنيين شوية عشان لو حد تانى عاوز يبقى معانا

بس اعتقد اننا ممكن نبدأ قريب جدا جدا لان العدد زاد والحمد لله

ياللا يا جماعة خليكو معانا قبل الفرصة متفوتكوا الوقت بيجرى واحنا قربنا نبدأ

ومش عاوزة افكركوا اننا هنرتقى فى الاخرة على قدر حفظ وقراءة القرأن

شكرا جدا لكل اللى سجلوا معانا وربنا يجازيهم كل خير

monaamer

22-Jul-2008, 12:01 PM

انا فرحااااااانه قووووى
ان فيه كتير بقوا معانا ف الحفظ
ربنا يزيدنا يارب ويثبتنا على اللى بنعمله