مـــــن تكــــــون انــــــت؟

[princess of princesses]

السلام عليكم ورحمه الله وبركاته
اعضائى الكرام
موضوع مــــن تكــــون انــــــت ؟
سؤال موجه ليكم كلم وارجو الاجابه عليه
يعنى كل عضو يتفضل بالاجابه على هدا السؤال
ويعرفنا بيه ويقول كل اللى هو عاوزه عن نفسه
يقول لنا من هو وكم عمره ومازا يدرس وهكدا
لكى نعرف بعضنا اكتر
انتظر منكم الرودو جميعا

[المرأة القطة]

احم احم

انا مبسوطة انى اول واحدة ارد بجد والله بس هتقولى عليا رخمة فى الاخر زى كل مرة معلشي بقى

ههههههههههههههههههه

اسمى ندى / او نوهدة

من القاهرة

بدرس فى الفرقة التالتة كلية الحقوق جامعة القاهرة

هتم ال 20 سنة ان شاء الله شهر 10 الجاى

هواياتى التامل للبحر وحلم بكره واختراع اكلة جديدة وقراءة القصص الرومانسية والتطريز

نفسي ان شاء الله ربنا يكرمنى واخلص كلية واقدر اعمل دبلومة فى القانون الجنائى ويكرمنى والاقى شغل

وبعديها ابقى افكر فى الجواز لانى هكون حققت حاجات لو بابا كان عايش كان هيفتخر بيا

ونفسي اعيش برة مصر مع الانسان اللى هتجوزه

ديه طموحاتى ان شاء الله

مرسيه ليكى جدا نيزى

وزى مقولتلك معلشي انتى هتقولى عليا انا رخمة

وتم النقل لمنتدى اسرة حلم بكره

[قالى الوداع قولت اشطة]

احم احم برضوا
انا حازم من اسكندرية عندى17 سنة هكمل18 فى شهر 11 اللى جاى
بدرس فى الجامعة العمالية سنة تانية
هواياتى بقى انى العب جيتار واجرب اسوق اى عربية تعجبنى
بتمنى طبعا ان ربنا يهدينى ويوفقنى واخد البكالوريوس وبعد كدة اشتغل اما بقى بالنسبة لموضوع الأرتباط فى دة حاجة مش فى الدماغ مش عشان الفلوس لا الحمد لله انا عايش فى فيلا بس معتقدش ان فيه بنت تستاهل ان الواحد يعشلها ويضحى عشانها ودة لوحدوا موضوع تانى بس
عموما انا اسف انى طولت عليكم بس بجد والله انا حبيت المنتدى دة كتــــــــيـــــــــر
وتقبلى تحياتى حازم(قالى الوداع قولت اشطة)

[سلمى]

اهلا نيزى جامد اوى التوبيك بتاعك
انا اسمى سلمى تالته تجاره هكمل 19 سنه شهر 10 الجاى
هواياتى الكوره وحلم بكره طبعا وساعات بحب اقرأ القصص الرومانسيه جدا والحزينه اوى
نفسى اخلص السنتين دول على خير واشتغل فى الجمارك واحقق ذاتى وأكون حاجه مهمه ان شاء الله
بعد كده افكر فى الارتباط وكان حلمى انى اسافر امريكا مش عارفه ليه بس نفسى اروح هناك ادعولى ههههههههههه

[عبدالله_النسر]

عبدالله عادل ابراهيم ابراهيم النسر
18 عام
اولي حقوق
من الاسكندريه
انا انسان عادي جدا زي اي شب في سني ولعيب كورة عشره علي عشرة ومغني عشرة علي عشرة بس مفيش نصيب بس مسيرها تعلق مره والواحد ربنا يكرمه
هو ده كل ما يخص النسر

[princess of princesses]

ميرسى اوى لندى وحازم وسلمى وعبدالله
ويارب يحقق كل امنياتكم وتكونوا احسن الناس
وفعلا يا ندى انتى مش رخمه انتى الرخامه كلها ههههههههه

[المرأة القطة]

ههههههههههههههههههههههههههههههههههههههههه

ياه دايما بتحرجينى كده

هههههههههههههههههههههههههههههههههههههه

[princess of princesses]

ماشى ماشى
اضحكى اضحكى
يارب تقعى تحت ايدى يارب
هههههههههه

[حالم بالنور]

السلام عليكم

انا واعوذ الله من كلمه أنا .. اسمي هشام من مواليد 1989 شهر 6 يوم 13 برج الجوزاء ومعرفش يعني ايه الجوزاء ..


هواياتي : الرسم والنت والقراءه والصيد احيانآ



انا فى تانيه خدمه اجتماعيه اسكندريه .. ,



التوبيك جميل .. شكرآ على مجهودك . ,

[princess of princesses]

ميرسى ليك اوى يا هشام
والمنتدى منور بوجودك
اسعدت بمعرفتك

[امير الرومانسيه 2009]

السلام عليكم
انا احمد مقيم بالاسكندرية بكالريوس نظم ومعلومات هكمل 21 سنة شهر 10 من هواياتى الرياضة والنت وقراءة القصص وبحب الرومانسية اوى واتمنى من الله انى احقق حلمى واخلص دراسة وانا الحمد لله بشتغل من صغرى وبعتمد على نفسى
وشكرا ليك

[حالم بالنور]

الشرف والسعاده ليا بوجودي معاكم

[princess of princesses]

ميرسى اوى يا امير الرومانسيه ع تواجدك معنا
ويارب تحقق كل احلامك وتبقى انجح الناس ان شاء الله
وميرسى يا هشام ع وجودك

[fancy_girl]

ana b2a lool....

ana shaymaa....21 years old...bakaloryos tegara kesm mo7zba....wel7mdollah ed5ragna:d

hwyaty...ba7eb el rasm ,reading wel safar we fo2 da kolo atklem fe; telephone :p

tshrfna bem3refetkom and thanx 4 the topic

[monaamer]

أسمى منى
عندى 22 سنة و نص ومتخرجة من كلية تربية نوعية قسم موسيقى
وحاليا بشتغل مدرسه موسيقى ف مدرسه خاصة
وقدمت ف دبلومة علم نفس تربوي

هواياتى ... الرسم والقراءه عن كل شيء
أمنياتي ... بحلم أخد ماجستير وأشتغل ف الجامعه واكمل دكتوراه

وطبعا بحلم بزوج صالح يكون نعم الزوج اللى أدخل معاه الجنة
وأربي اطفالي على القيم و الأخلاق الإسلامية الصح


طولت عليكى ... بس شكرا بجد موضوع تحفة

[princess of princesses]

ميرسى ليكى اوى يا fancy girl ومنمونه على تشريفكم الموضوع
اسعدت بمعرفتكم كثيرا واتمنى لكم السعاده والحب والخير فى حياتكم

[the bad guy]

بالصلى عن النبى كدة
الاسم:احمد حسنى مراد
العنوان:دمنهوكا دمنهور يعنى
السن:18و4 شهور
البرج:الثور ابعدوا عنى من الاخر
الكلية:سياحة وفنادق
القسم:تانية فنادق
هواياتى:عنيف جدا فى لعب الكورة وبحب اجرى كتير
امنياتى:نفسى اشتفل فى فندق حلو كدة ومقطط
:Music-7::Music-7::Music-7:

[princess of princesses]

ههههههههههههههههه
ايه يابنى دا
تشرفنا بمعرفتك
وربنا يرزقك بافندق المقطط اللى انت عاوز

[عميد كلية الحب]

الزعيم وصصصصصصصصصل :D
هههههههههههه
الاسم : محمد
السن: 19 وداخل على 20 يوم 4\5
سنة اولى ومدبلر وبحب أعيش حياتي ومدمر صحتي واشوووف الدنيا ماشية ازاي
ونفسي اتعلق بموووووووووزة حلوةاووووي
وشكرا ليكييا نيزي على الموضوع

[sally_alex]

اس اس السلام عليكو
انا سالى فى اعدادى هندسة هقفل ال 18 سنة شهر 5 الجاى قولى يا رب
ومكان اقامتى اسكندرية ام الدنيا
وبتمنى ربنا يكرمنى كدة واخلص هندسة واسافر برا
هواياتى هى النت وبحب اكسر الحاجات جداااااااا يعنى مش بحب اشوف حاجة سليمة وبيقولو عليا مخربة
اه وبحب كمان اقرا للمولف الجامد جدا اللى مفيش زيو DAN BROWN
ميرسىىىىىى اوى للتوبيك الجامد ده

[shr7os]

وووووووووووسع وسسسسسسسسسسسع الباش مهندسه نوووورت

الاسم:شروق حسام ان شاء الله
14 سنه
3 أعدادى
من أحلى وأجمد أليكس فى الدنيييييييييييييا
اللى عايزاه انى ادخل هندسه قسم عماررره وادعوولى بقى وميرسى اوووى ع التوبيك العسوول ددددة.

[princess of princesses]

ميرسى اوى ليك يا محمد بس ليه كدا حافظ ع صحتك شويه

وميرسى ليكى يا سالى نورتى التوبيك بوجودك

ميرسى يا شوشو وربنا يحقق ليكى اللى بتتمنيه وتدخلى الحاجه اللى بتحبيها

[ترنيمه عشق]

الســــــــــــــــــلام عليكم...

شكرا موووووووووت ع الموضوع الحلوه ده :)

انا : زينب

مواليد :10-5-1989 .

بحب اصحابى مووووووت واكون معاهم ف اى وقت واى مكان ، بحب حلم بكره وبحب كل اصحابى اللى هنا :)

نفسى اخلص دراستى واشتغل ف مكان بحبه مهما كان المكان ده .

والى لقاء اخر ان شاء الله :)

[princess of princesses]

العفو يا زينب
تشرفت بمعرفتك الكريمه يا قمر
نورتى التوبيك وربنا يحقق ليكى كل ما تتمنيه