Mando
27-Jul-2007, 12:35 AM
ببساطة شديدة كنت رايح أتفسح .. عادى يعنى زى ما أى واحد بيخلص امتحانات قرفان و طالع عينه عاوز يتفسح . و علشان أنا إسكندرانى كان طبيعى جداً أفكر فى مكان داخل أسكندرية و كان الهانوفيل . على الرغم من أنى سمعت أن المحافظ اعتذر للمصيفين و قالهم ما يصيفوش السنة دية فى العجمى بصفة عامة .
بس علشان الظروف الاقتصادية الطاحنة و ظروف تانية كتير ماكنش ينفع غير الهانوفيل – إسكندرية ، و طبعا علشان أنا مش عايز اتكلم فى السياسة مش هتكلم على الطرق اللى كانت أسوأ من الغابات و البحر اللى كان ما ينفعش بنى آدم ينزل فيه لأنه بكل بساطة بيتصرف فيه مجارى – عادى يعنى – و الشقق اللى أسعارها نار و حاجات تانية كتير حا دخل فى الموضوع على طول .
الساعة 2.30 ليلاً كنا جالسين أنا و الشلة بنهرج عادى يا جماعة شباب و بيهرج ، دخل علينا ناس لطاف جداً – مباحث ما تقلقوش – و بعيداً عن تفاصيل مالهاش أى لزمة من معاملة لذيذة من رجال وزارة الداخلية لشباب فى كليات محترمة لدرجة تخيلت فيها أن واحداً من الشلة عمل عمله سودة و منيلة بستين نيلة .....
المهم و هاتك يا لف و دوران من قسم لقسم لنيابة لحبس و أنا مش فاهم فيه ايه بالضبط قلت يمكن علشان ماكتبناش عقد مع السمسار أو أى حاجة بسيطة لكنى فوجئت بالتهم فى نيابة الدخيلة لدرجة أن وكيل النيابة نفسه كان مستغربها جداً .
تخيلوا معايا واحد رايح يصيف متهم بستة تهم اقل واحدة فيها تودي فى ستين داهية ... اول واحدة قال ايه ( تعطيل الدستور ) يعنى هو كان ماشى و أنا عطلته تقريباً و الله اعلم – و ده تحليلى الشخصى – يعنى علشان ما سمعناش كلام المحافظ و رحنا العجمى و تهم تانية بعيد عنك ( انضمام لجماعة محظورة ) .
نفسى اعرف أو أى حد يفهمنى جماعة مقرها معروف مكانه للجميع و ليها 88 عضواً فى مجلس الشعب و بيقولوا عليها محظورة ... طب لو مش محظورة كانت عملت ايه عايز افهم يعنى .
و هاتك يا تهم من هذه النوعية لدرجة أنى صعبان عليا جداً المحامى اللى بيدافع عنى .. هيفصل فى القضية دى ازاى و هيقول ايه و القاضى اللى هيحكم هيحكم بايه ؟!!!
أكثر من عشرين يوم حتى الآن لم ارى أهلى أكثر من عشرين يوم عايش فى حيرة ، هم عملوا فينا كدة ليه . ده أنا عمرى ما عملت حاجة تؤذى بلدى و لا أهلى و لا حبايبى ... بيعملوا فينا كده ليه رغم أنى عايز لها الخير فى كل وقت رغم انى بحبها ( و هفضل طول عمرى أحبها ) .
هفضل أحبها يا سيادة وزير الداخلية ..
هافضل احبها يا أمن الدولة ...
هفضل احبها لانها بلدى اتولدت و حموت فيها ...
عشت فيها و لعبت في شوارعها و نواديها ..
حبيت اهلها ...
حبيت بحرها و نيلها و آثارها و تاريخها .
نفسى اسمَّع كل الدنيا ..
هفضل احبها رغم الذل و الظلم و القهر و الفساد و الاستبداد و القرف ..
يا شعب مصر يا اهلى و حبايبى إياكم تكرهوها أو تحبوا تسيبوها ..
هم عايزين كده لكننا رغم انفهم هنفضل نحبها لحد ما نموت واحنا بندافع عن كرامتنا و عزها .
مصعب على شلبي
13/7/2007
زنزانة 12 سجن برج العرب
نقلا عن جامعة اونلاين
بس علشان الظروف الاقتصادية الطاحنة و ظروف تانية كتير ماكنش ينفع غير الهانوفيل – إسكندرية ، و طبعا علشان أنا مش عايز اتكلم فى السياسة مش هتكلم على الطرق اللى كانت أسوأ من الغابات و البحر اللى كان ما ينفعش بنى آدم ينزل فيه لأنه بكل بساطة بيتصرف فيه مجارى – عادى يعنى – و الشقق اللى أسعارها نار و حاجات تانية كتير حا دخل فى الموضوع على طول .
الساعة 2.30 ليلاً كنا جالسين أنا و الشلة بنهرج عادى يا جماعة شباب و بيهرج ، دخل علينا ناس لطاف جداً – مباحث ما تقلقوش – و بعيداً عن تفاصيل مالهاش أى لزمة من معاملة لذيذة من رجال وزارة الداخلية لشباب فى كليات محترمة لدرجة تخيلت فيها أن واحداً من الشلة عمل عمله سودة و منيلة بستين نيلة .....
المهم و هاتك يا لف و دوران من قسم لقسم لنيابة لحبس و أنا مش فاهم فيه ايه بالضبط قلت يمكن علشان ماكتبناش عقد مع السمسار أو أى حاجة بسيطة لكنى فوجئت بالتهم فى نيابة الدخيلة لدرجة أن وكيل النيابة نفسه كان مستغربها جداً .
تخيلوا معايا واحد رايح يصيف متهم بستة تهم اقل واحدة فيها تودي فى ستين داهية ... اول واحدة قال ايه ( تعطيل الدستور ) يعنى هو كان ماشى و أنا عطلته تقريباً و الله اعلم – و ده تحليلى الشخصى – يعنى علشان ما سمعناش كلام المحافظ و رحنا العجمى و تهم تانية بعيد عنك ( انضمام لجماعة محظورة ) .
نفسى اعرف أو أى حد يفهمنى جماعة مقرها معروف مكانه للجميع و ليها 88 عضواً فى مجلس الشعب و بيقولوا عليها محظورة ... طب لو مش محظورة كانت عملت ايه عايز افهم يعنى .
و هاتك يا تهم من هذه النوعية لدرجة أنى صعبان عليا جداً المحامى اللى بيدافع عنى .. هيفصل فى القضية دى ازاى و هيقول ايه و القاضى اللى هيحكم هيحكم بايه ؟!!!
أكثر من عشرين يوم حتى الآن لم ارى أهلى أكثر من عشرين يوم عايش فى حيرة ، هم عملوا فينا كدة ليه . ده أنا عمرى ما عملت حاجة تؤذى بلدى و لا أهلى و لا حبايبى ... بيعملوا فينا كده ليه رغم أنى عايز لها الخير فى كل وقت رغم انى بحبها ( و هفضل طول عمرى أحبها ) .
هفضل أحبها يا سيادة وزير الداخلية ..
هافضل احبها يا أمن الدولة ...
هفضل احبها لانها بلدى اتولدت و حموت فيها ...
عشت فيها و لعبت في شوارعها و نواديها ..
حبيت اهلها ...
حبيت بحرها و نيلها و آثارها و تاريخها .
نفسى اسمَّع كل الدنيا ..
هفضل احبها رغم الذل و الظلم و القهر و الفساد و الاستبداد و القرف ..
يا شعب مصر يا اهلى و حبايبى إياكم تكرهوها أو تحبوا تسيبوها ..
هم عايزين كده لكننا رغم انفهم هنفضل نحبها لحد ما نموت واحنا بندافع عن كرامتنا و عزها .
مصعب على شلبي
13/7/2007
زنزانة 12 سجن برج العرب
نقلا عن جامعة اونلاين