كيفية أستخراج كارنية نقابة المحامين

[F_M_A_G]

بسم الله الرحمن الرحيم

السلام عليكم ورحمه الله وبركاته

كيفية أستخراج كارنية نقابة المحامين

1- الشهادة المؤقتة

2- بيان نجاح ( 50 جنيه )

3- صورة بطاقة

4- عدد 6 صور شخصية

5- شهادة من محامى ( الشهادة اللى من المحامى يعنى أن فية محامى وافق على تدريبك )

6- وبعدين سحب استمارة النقابة

7- مصاريف الحصول على الكارنية هى 1200 جنيه

8- موقف التجنيد بالنسبة للشباب ( للموقف من التجنيد تقدر تجيب ورقة من التجنيد أسمها لمن يهمة الأمر بتفيد أن ميعاد التقديم بتاع التجنيد لسة ماتحددش )

9- اعملوا فيش وتشبيه موجه الي نقابه المحامين ( من البوستة وتطلب إستمار فيش مستعجل وتاخدها وتروح القسم تجيب من هناك طابع شرطة وتنزل السجل المدنى تقدمة )

[المرأة القطة]

شكرا ليك جدا جدا يا فاروق

ربنا يكرمك على الموضوع الهايل ده

[F_M_A_G]

شكرا ياندى جزاكى الله كل خير

[N.CASPER]

بجد شكرا جدا على المعومات المفيدة دى بس عندى سؤا ل هو لازم المحامى اللى اجيب منه الشهادة لازم يكون على درجة معينة ولا (اشتئناف او نقض وكدة) اى محامى معاه كارنيه النقابة ينفع يدينى الشهادة دى وتانى مرة شكرا جدا

[F_M_A_G]

بص هو تقريبا لازم يكون محامى بقاله كذا سنه يعنى مش أى محامى بس باردوا حاسأل فى الموضوع ده وحارد عليك ان شاء الله

[المنتسب]

المفروض إنه يكون محامي استئناف علي الأقل
:318::218::7_5_125v:

[F_M_A_G]

شكرا على مرورك الكريم يا المنتسب

[wael.galal]

موضوع إشاعة أن كل من يتقدم للإنضمام لنقابة المحامين عليه ان يقوم بعل دبلومة في القانون ؟؟؟؟؟؟؟؟


هل الكلام صحيح؟ أم خطأ؟؟؟؟؟

[F_M_A_G]

انا اخر معلوماتى ان الكلام ده قيد التنفيذ يعنى لسه لم يتم تطبيقة هو كان فى نقاش حول هذا الموضوع لكن لم ينفذ حتى الآن

[رؤى]

انا سوف اتخرج السنة دة وسمعت اننى لابد ان التحق بمالمعهد العالى للمحاماة اولا لمدة ستة اشهر ثم اخضع لامتحان نسبة نجاحة بسيطة ارجو تصحيح معلوماتى

[almasry1wk]

انا سوف اتخرج السنة دة وسمعت اننى لابد ان التحق بمالمعهد العالى للمحاماة اولا لمدة ستة اشهر ثم اخضع لامتحان نسبة نجاحة بسيطة ارجو تصحيح معلوماتى


السلام عليكم


بالنسبة للمعهد

هذا امر اساسي وهو كما قلت 6 اشهر ولكن هو يومين في الاسبوع لمدة ساعتين فقط ..


ويعتمد علي نسبة الحضور بشكل اساسي.......

انا عن نفسي بعد انتهاء المعهد لم اخضع لامتحان فقط يتم احتساب نسبة الحضور

والمعهد ضروري لتحويل الكارنية الي ابتدائي .......



وتحياتي

[F_M_A_G]

شكراً المصرى لتعاونك

وفعلا رؤى كما ذكر اخونا الكريم المصرى بان المعهد ستة وهو ليس بعد التخرج مباشرةً وانما هو فى التحويل من جزئى لابتدائى ..

اذن لما حاتتخرج حضرتك حاتكون محامى تحت التدريب ( محامى جزئى ) وشكراً للجميع

[F_M_A_G]

وإن شاء الله سوف أوفيكم بالجديد فى عملية أستخراج كارنية النقابة ..