mayo0oyaaa
07-Aug-2007, 04:38 PM
المقادير \مكرونة مسلوقة..صلصة بشاميل..لحم مفروم معصج..جبنة موزاريلا..بقسماط..زيت او سمنة طريقة عمل العصاج\ المقادير\لحمة مفرومة بصل مفروم طماطم مفرومة توم مدقوق صلصة طماطم ملح فلفلاسود وبهارات خضار مشكلحسب مانتوا عايزيين طريقة عمل العصاج بقى\نحمر الزيت على النار وبعدين نجط البصل ونقلبه كويس لحد ما يدبل ونسيبه لحد ما لونه يتغير يبقى بنى وبعدين نحط التوم ونقلب وبعدين الطماطم ونقلب كويس وبعدين الخضار ونقلبها ونسيبها لحد ما تدبل الطماطم والصلصة ونسيبها على النار لحد ما تتسبك وانا بحط على العصاج حبة جبنة عادى يعنى طريقة البشاميل\ كوب دقيق(7معالق كبيرة)..4كوبايات لبن..ملح وفلفل اسود..او اكياس خلطة بشاميل ماجى بدل كل ده نصب الدقيق واللبن مع بعض على البارد ونقلب وبعدين نحطهم على النار ونحركهم بالمضرب لحد ما يدوب الدقيق ويختفى بعد ما يسخن نحط الفلفل والملح ونفضل نقلب نحط سمنة ونفضل نقلب لحد ما يسخن ونشيله من النار الطريقة بقى \نحط المكرونة فى طبق ونحط عليها نصف كمية البشاميل ونقلبهم كويس ممكن نحط جبنة معاهم بتبقى جامدة نحضر الصينية بتاعة الفرن وندهنها بالسمنة او الزيت بس ياريت زيت ونغطى القاع بالبقسمات الصينية كلها ممكن نستخدم البقسمات وممكن لا خالص نضيف طبقة مكرونة وبعدين نفرد فوقيها اللحمة وبعدين طبقة مكرونة ونغطيها خالص وبعدين نحط فوقيها البشاميل اللى فضل وممكن نحط جبنة موزاريلا مبشورة فوقيها حسب مانتوا عايزيين ندخلها الفرن نص ساعة او اكتر لحد ما تتحمر اطرافها وبعدين نفتح الشواية وتحمر الوش يا رب يارب تعجبكم عشان انا لسة بتعلم الطبيخ ودى اول حاجة اتعلمتها :Music-11: :Gm_011: