لـــيـــــه؟؟؟؟؟

[_the_sad_smile_]

السلام عليكم انا قولت استفتح القسم دة و دة اول موضوع ليا هنا اخر حاجة كتباها ويارب تعجبكم


لية فى وسط الحياه ضعنا
ملناش اللى يسمــــــعنا
لية كل منمشى طريـــق
مليون باب يرجعنــــــــــــا

لية فى وقت الامان احنا
نلاقى اللى بيجرحنــــــا
واللى احنا امنالـــــــــــه
سكينة بتدبحنــــــــــــــا

لية ساعت منتالـــــــــــــم
يعلا الخوف وبنسلـــــــــــم
لية بنسكت باعلى الصوت
مفيش غير دمع يتكلـــــــم

لية راضيين باحزانهـــا
والافراح ما جة اوانهـــا
ومين قادر يعيش فيها
يواسيها ومين خانهــا

ليه طمعنا وايه ذنبنا
ما الدنيا بقيت همنا
شاريين اللى بايعنا
ونبيع اللى بيحبنـــا

لية ملناش مكان فيـــها
وبنفضل نواسيــــــــــــها
لية كل اللى باقيـــــــلنا
ضحكة ودمعه فى عنيها

ليه الدمعه مبتهزنــــــــــا
مبقاش فارق ولا يهـــمنا
مسكينة يا اوجـــــــــــعنا
غريق محكوم يكون دمنا

لية لما الام بركــــــان
اصله نار جراح انسان
نفسه يلاقى لو مـرة
فرح نهاية الأحــــــزان

لية بنسيب جراح فينا
يقتلنا يـــــــــــــآسينا
لية بنعيب فيها الدنيا
واحنا العيب دة مالينا

لية بنعيب فيها الدنيا
واحنا العيب دة مالينا

[H@TEM]

برافو بجد برافو رائعة و الظاهر اني المنتدى حيستفاد بشعراء زيك

بإنتظار مزيد من ابداعاتك ...

[_the_sad_smile_]

ميرسى اوى شكرا للمرور

[ashgan]

بجد ممتازة انا بتمنالك كل توفيق استمرى وانا منتظره المزيد منك بجد فى منتها الجمال بحيكى من كل قلبى وربنا يوفقك

[_the_sad_smile_]

دة من ذوقك يا اشجان شكرا اوى واوعدك بالمزيد:)

[Do0oDy]

جميل اوى و ربنا يوفقك

[MoHaMeD]

الحقيقة جميلة جدا اظاهر اننا هيبقى عندنا مواهب كبيرة اوى مصر مكنتش مبينها زى موهبة بسمة و اشجان

[_the_sad_smile_]

شكرا يا دعاء و الجميل هو مرورك يا جميل
ويا مستر برو ربنا يقدم اللى فية الخير
اهو كل يوم من دة مش عجبتكم
جبتووة لنفسيتكم بئا

[MoHaMeD]

لا انتى بس عليكى تكتبى و احنا نتمتع بالشعر الجميل

[_the_sad_smile_]

دة مش شعر اصلا

[Maha Ahmed]

انا بجد اهنيكى احساسك حلو و كلماتك مناسبه جدا و متوافقة و احنا فى انتظار الموضوع التانى ماشى ربنا معاكى يا رب

[_the_sad_smile_]

انا بجد اهنيكى احساسك حلو و كلماتك مناسبه جدا و متوافقة و احنا فى انتظار الموضوع التانى ماشى ربنا معاكى يا رب

دة من ذوقك يا مها ميرسى اوى وباذن الله فى جديد:)

[eng_mimo]

بصى بجد انا مش عارف اقولك ايه ......... بجد تخفة و فوق الوصف

بس معلش ول ما فيهاش مضايقة انا كان ليه ملحوة بسيطة جدا

ليه طمعنا وايه ذنبنا
ما الدنيا بقيت همنا
شاريين اللى بايعنا
ونبيع اللى بيحبنـــا


ايه رايك لو تقولى " و نبيع اللى حبيبنا " علشان تبقى ماشية مع نفس الوزن فى السطور اللى قبليه.....ده رأيى و ليكى حرية الاختيار........بس هيه بجد جامدة موووووووووووووووووووووووووووت

[_the_sad_smile_]

ميرسى يا ميمو بشكرك على النقد
بس اللحن عندك مش زى عندى عندى مظبوطة كدة
مش عارفه هيا يمكن لو صوت مش كتابة كانت بانت اوى
عموما ميرسى بجد لاحلى مرور:)

[المرأة القطة]

جميل جدا يا سميل
وكله احاسيس جميلة وحزينة
وعجبتنى ده اوى:لية بنسيب جراح فينا
يقتلنا يـــــــــــــآسينا
لية بنعيب فيها الدنيا
واحنا العيب دة مالينا

بجد تسلم ايديك :19:

[_the_sad_smile_]

تسلميلى يا قمر
ميرسى يا جميل

[سهر سعيد]

ممتازة وجميلة اوى

مستنين اكتر

[_the_sad_smile_]

اوك يا سهر ميرسى لمرورك يا قمر