[لولا]

(احنا مش هينفع نكمل مع بعض)..

الجمله دي حنسمعها أو حتسمعها في آخر سنه في الجامعه,او بعدها بشويه مش هتفرق..المهم النتيجه واحده..

ان الاحلام اللي عاش فيها حبيبة الجامعه طارت في الهوا

ويا خســـــــارة..الدباديب..و..الأرانيب.. والقلوب ..

اللي جابوها لبعض في أعياد الميلاد..والفلانتين!

ده غير تصوير المحاضرات..والتزويغ منها..

عشان كل واحد يقابل حبيبه..

أو يرحلــوا كليته..لو مش معاه في الكليه نفسها..

المقنع في الموضوع..

ان كل طرف عنده أسبابه لانهاء العلاقه!


هو في الغالب هيقول:

أنا لسه معرفش حشتغل ايه.. ولا ايه موقفي من التجنيد..وعشان بحبك مش عايز أظلمك معايا..


ولما هي تنهي العلاقه بتقول:

أنا جالي عريس..وبابا بيضغط عليا..وماما بتقولي انتي كبرتي..وكل اللي في سنك اتجوزوا..


يا عيني ع التضحيه..

فعلا أسباب مقنعه,وتحس منها ان اللي بيقولها قلبه على حبيبه وخايف عليه..

وانه كان بيحبه بجد..

يعني ماكنش بيقضي وقت وخلاص..

وهي دي الحقيقه.. في اغلب قصص الحب التي تنشأ..وتنتهي داخل الجامعات!

ويرجع ذلك لأن أغلب هذه العلاقات لا تنشأ عن حب صادق بما فيه من معاني التضحيه

وفهم كل طرف لظروف الطرف الأخر والوضوح من البدايه..


كماانه بعد انتهاء الجامعه تتغير طريقه

التفكير لكل من الولد و البنت بعد الاصطدام بواقع الحياه..


الدكتور فكري عبد العزيز

أستاذ علم النفس يفسر..


قائلا:


ان ذلك يرجع الى الغرابه التي يلاقيها الطلاب عند دخولهم الجامعه نتيجه
الاختلاط بين الأولاد والبنات وهو الأمر الذي حرموا منه في الثانويه
العامه,مما يجعل كل طرف يهتم بالآخرويحاول جذب انتباهه بشتى الطرق..

وبعد التقرب تبدأ مرحله من الأحلام مبنيه على أساس غير سليم. مما يؤدي الى عدم اكتمال قصص الحب في أغلب الأحيان..


في النهــــــــــــــايه..

تحذيــــــــر بسيط!!

الى كل روميو و جولييت من طلاب الجامعات الباحثين عن الحب..


ياريت تقاوموا مشاعر الميل الى الطرف الآخر وتحكموا عقولكم قبل الاندفاع الى الحب..

الحب..

الذي يؤدي الى جرح قد لا تمحـــــوه الأيــام

لازم تفكر شويه بالعقل وبلاش نندفع ورا العواطف والمشاعر

انا بفضل ان يكون اول واحد فى حياه البنت هو زوجها يااااارب كل البنات تكون كده وبلاش الحب اللى من النوع ده


المشاعر حاجه غاليه اوووووى مفيش واحد يستحقه الا الزوح وبس عشان يكون هو اول واخر واحد فى حياتك



احب اسمع ارائكم وبجد؟؟؟؟؟؟؟؟؟؟؟؟؟؟؟؟؟؟

[حالم بالنور]

تعرفي لولا انتي عندك حق فى كل الكلام دا بجد

وكمان الكلام العلمي اللى قالو الدكتور دا تفسير حقيقي ولامس الموضوع جدآ

بس صدقيني الموضوع اكبر من كدة ومش بسهولة ان الواحد بمجرد معرفتة للكلام دا هيقدر يبعد عنو وميحصلش معاه نفس الموقف

عارفه ليه ,, عشان موضوع محاولة كل واحد او واحدة لجذب الجنس الاخر دي غريزة فى الأنسان

وعشان الانسان محب للتجربة ومش بيلاقي فرصة لأنو يجرب الحب احسن من فرصة الجامعة بيحس انو كبر وان الجنس الاخر بقي كتيير اوي قدامة وبيعيش فى بيئة جديدة بتأكدلو ان الحب والكلام والعلاقة الأخوية بين الجنسين مفهاش حاجة غلط

وواحدة واحدة بيحصل الحب من غير ترتيب او سابق انذار للطرفين ..

ويوم بقي ما يصحو الطرفين من النوم يلاقو بقي الجمل اللى انتي كاتباها فى بداية الموضوع الرائع بتاعك

انا عن نفسي شايف ان كلامك له قيمة كبيرة جدآ وغاية فى الأهمية ...... وموجه للبنا ودا الأهم

عشان لو البنات اخدو الموضوع كلة جد ودراسة وبس الحكاية هتقل اوي وكذلك الشباب طبعآ بس البنات الأقدر على الموضوع دا ..

يارب كلنا منسمعش الجمل القاتلة دي عشان محدش ابدآ يختلف معايا انها جرح وجرح كبير أوي بيفضل معانا دايما

أمضاء .. سامع للكلام دا بس مش بعد التخرج .. فى سنة تانية

[لولا]

احييك ياحالم على كلامك والله ميرسى جدا لرايك منورنى دايما

[لسه بحلم ببكره]

ان ذلك يرجع الى الغرابه التي يلاقيها الطلاب عند دخولهم الجامعه نتيجه
الاختلاط بين الأولاد والبنات وهو الأمر الذي حرموا منه في الثانويه
العامه,مما يجعل كل طرف يهتم بالآخرويحاول جذب انتباهه بشتى الطرق..

وبعد التقرب تبدأ مرحله من الأحلام مبنيه على أساس غير سليم. مما يؤدي الى عدم اكتمال قصص الحب في أغلب الأحيان..

بصراحه هو ده الملخص المفيد لأن الشباب والبنات مبقاش يهمهم غير لفت انتباه الطرف الأخر
وعن نفسى من رأى ان البنت المفروض مترتبطش اى ارتباط غير رسمى
ولا تبين مشاعرها غير فى الحاله دى
ومشاعر فقط مش بصور اخرى ومتقدمش اى تنازلات غير لزوجها فقط

بحييكى على التوبيك المفيد ويارب كل اللى يدخله ويقراه يستفاد منه
جزاكى الله خيرا وجعله فى موازين حسناتك

[لولا]

امين يارب وميرسى جدا ليكى ياحببتى